今天請了半天假到尖沙咀看醫生，其實左腳一向也有毛病，走路時隱隱作痛，這回真的要看看我國最偉大、歷史源遠流長的醫術--中醫。我對中醫如何看法我將會下次再作闡述，其實我看完醫生後，到了很多人也認為是賣垃圾食物的M記吃下午茶 (最少Thomas認為是，但相信很多小朋友會在維園遊行抗議。) 。我對M記並沒有太大的抗拒，反而有一點點的感覺。
記憶小時候，大約在小學四五年級吧，阿姨帶我、表哥、小魚表妹一行多人到尖沙咀遊玩。記憶當日就是吃M記的，我還記得那薯條混合茄汁的香氣，到現在也偶然想起當時的快樂記憶。當日到那裡遊玩的細節已經忘記了，現在亦不再重要，唯有這氣味記憶深深徘迴到十多年之後的今日！所以我亦會堅持吃M記，我不會讓這記憶消失。
小魚表妹、Skin，你們有氣味回憶嗎？
P.S. 小魚表妹，你還記得我們一起去尖沙咀那裡遊玩嗎？太空館嗎？
14 comments:
我跟你的有點不同，有時一些味道，會令我想起一段時期:
如突然的泳池味，會令我強烈的想起練水的日子，球場味道，我就想起放學打球的日子，可惜的是 (其實也不是可惜)，現在到遊戲機中心打機，已經沒有煙味了，仁愛堂打機的日子，已經不能強烈的回憶到!
每當我感覺到草的味道，我就會記起我地一齊係婆婆處捉草蜢... 我仲記得... 麒表哥成日都係蝦人地個0個... 蝦我同阿慧，次次都係麟表哥氹番我地... 哈哈... 你又記唔記得呢? (不過通常蝦人個0個實唔記得，問下人啦!)
係唔係去太空館呢? emem... 唔記得喇... 但係我記得個件橫間衫(sorry, 係個幾件!) 同埋有你 d 無牙相...哈哈... 要唔要睇下 ?
BTW, 你隻腳有 mug 樹呢？
Skin,我都有打街機回憶呀，個時我唔係去仁愛堂，而係去八佰伴"小靈精"。因為小靈精係兒童機鋪，所以係唔會有煙味既。我通常都會係早上去打機，商場冷氣剛剛開，所以我既打機氣味回憶係商場中央冷氣氣味。特別呢？
小魚表妹，係呢個blog我係皮雅卡箱，唔好達我真名好嘛？仲要達埋Thomas添，真係無辜呀！
講番轉頭，乜我成日蝦你咩？真係唔記得喎。我記得捉草蜢，真係無蝦你喎…你記錯左呀，係Thomas呀，你知啦，我地咁似，你認錯嘛？哈……
我記得個件藍色橫間衫呀，係我地去大嶼山嘛。我仲拾倒好多貝殼添！
關於我隻腳，係因為同胡兆康打blowing打得太多而受傷，當時我因為受傷要退出港隊，唔係08奧運都有我份呀！
睇完有冇好d呢?小心點啊~
Hi!你小魚表妹記得咁多已經好難得，要欣賞佢既善忘。 :D
我已經忍住手無寫全名喇... 都唔算 “達” 0麻?
真係好可惜，因為你的傷患，令香港隊08年少左面金牌。你快 d 養好你的傷，2012年奧運等緊你 ga...
BTW, Cyn, 唔好係人地個 blog 到爆我 d 0野...
乜唔可以「響」全朵架？？
Dice, 睇完係好左少少，但係好貴。睇左我千幾蚊。再過兩個星期睇下點，再去睇過。
Hi! Cyn 多謝你睇我個Blog,希望你爆多d我表妹啲野我聽呀！你係我表妹中學定大學同學呢？
小魚表妹，多謝你"忍"住喎！另外，奧運個d玩意留番俾d後生仔啦，我呢d old biscuit都係係屋企訓下覺好啦。
乜你好多野俾人爆咩？我好想知喎……哈！
cheng,呢度你可以用真名架，但係唔好出我真名啦。留番少少神秘感好d嘛。
噢!小魚，善忘唔算係秘密啦，唔可以話爆哦!放心啦，真正的秘聞仍然係少數人先知。
hi!皮雅卡，我係小魚中學同學，好偶然咁見過你同thomas一次咁多。當時你應該仲係積極備戰19xx奧運，未係old biscuit。 :p
cyn, 原來我地已經係有一面之緣！但係我真係對你個樣冇乜印象啦。我地係咪係洪水橋見過面呢？希望再有機同你見面啦！
係呀，我全名叫皮雅卡箱呀！記住啦。
Post a Comment